 |
 |
| Museo do Pobo Galego |
 O Museo do
Pobo Galego fundouse en 1976, baixo os auspicios dun Padroado integrado
por institucións e persoas que traballan nas distintas áreas
da cultura galega e por representacións das Administracións
públicas de Galicia.
As primeiras
salas inauguráronse en 1977, no antigo convento de San Domingos
de Bonaval, construído nos séculos XVII e XVIII. No
interior pódese admirar a triple escaleira helicoidal deseñada
por Domingo de Andrade. A igrexa, dos séculos XIII a XVII,
alberga o Panteón de Galegos Ilustres.
O Museo do
Pobo Galego pretende abranguer, desde a perspectiva da antropoloxía
cultural, as diversas manifestacións da cultura espiritual
e material da nosa terra. Conta con salas permanentes dedicadas
ao Mar, o Campo, os Oficios, o Traxe, os Instrumentos musicais,
o Hábitat e a Arquitectura popular e A sociedade, memoria
e tradición. Presenta así mesmo seccións de
Arqueoloxía e Arte..
O Museo organiza
exposicións temporais e actividades científicas e
divulgativas. Dispón dunha notable biblioteca especializada,
que integra, entre outros, os legados de Xaquín Lorenzo,
Xesús Taboada Chivite, Antonio Fraguas, Fermín Bouza
Brey, Antonio Rodríguez Fraiz e Manuel Beiras García.
As reservas visitables custodian, para fins de conservación
e estudo, as coleccións non expostas. O Departamento de Educación
e Acción cultural ocúpase de organizar e dirixir as
visitas colectivas e as actividades didácticas. Conta tamén
con servizo de publicacións.
|
|
H O R A R I O
|
| |
Martes a Sábados (luns
pechado):
10-14/ 16-20 h.
Domingos e Festivos: 11-14h.
Visitas organizadas: previa solicitude telefónica. |
|
B I B L I O T E C A
|
| |
Sí |
|
T A R I F A
|
| |
Gratuita |
|