 Creado
no ano 1969 por iniciativa de Chamoso Lamas e coa idea de ser o
"Museo do Val". Posteriormente funcionou como sección
etnográfica do Museo Arqueolóxico Provincial de Ourense.
No ano 1989 é transferido en xestión á Xunta
de Galicia e no 1993, por decisión da Consellería
de Cultura, deixa de ser a sección etnográfica do
Museo Provincial ourensán e pasa á condición
de museo con plena entidade coa denominación de Museo Etnolóxico
Os
fondos responden á temática etnolóxica da
cultura rural e vilega de diversas comarcas da provincia de Ourense:
fondos e documentación das labouras agrarias e tecnoloxía
dos oficios. Destaca a súa biblioteca especializada en
antropoloxía e historia, con varios legados ("Sánchez
Orriols", "Rubén G. Álvarez", "Meruéndano",
"Abrente", "Emilio G. Fernández"...)
e con fondos documentais sobre o viño, o cine e o teatro.
De interese é o Fondo de Documentación Oral etnohistórica
que se desenvolve mediante investigación de campo
Desde
2003 o museo ten as súas portas abertas con exposicións
temporais de contido etnolóxico (sobre todo de antropoloxía
visual) en catro salas acondicionadas para tal fin. Desde xullo
do 2005 en dúas destas salas cóntase cunha exposición
de fondos da colección téxtil do Museo, na mostra
titulada Seguindo o fío. A tradición téxtil
en Galicia, esta mostra con lixeiras modificacións que
se farán a finais do 2006 seguirá aberta mentres
non se acometa o novo plan
museográfico do Museo.
Para
o 2006 nas outras dúas salas tense programadas as seguintes
exposicións:
- Mulleres, tipos e estereotipos, de Ortiz Echagüe (desde
o 14 de febreiro hasta o 26 de marzo)
- Ser, estar, parecer. Fotografías en branco e negro de
Mila Rodero feitas a artesáns da zona.
- Álbums para o reencontro. Ribadavia e os ribadavienses
IV 
|
